Tanzim ki zaroorat kyoon?

Kiya aap nay kabhi ghaur kiya ke ajj tak awam ka koi masla hal kyoon nahin ho pata jab kay hakoomat bhi maujood hai aur hukumti machinery bhi? Meri samaj kay mutabiq is ki bunyadi waja taqat ya daulat kay hasool ki koshish hay jis main wo log kamyab ho jatay hain. Taqat ya daulat kay hasool kay Doran koi bhi masla baat chit kay zariay hal nahin ho sakta. Koi bhi taqat ya daulat kay hasool ki waja say brabri kay qawaneen kay nifaz per tayar nahin hota aur jab tak qanoon sab kay liyay braber nahin ho jata masayal kabhi khatam nahin ho sakain gay. Meri samaj kay mutabiq Kisi bhi masla ka hal sirf usi waqat nikal sakta hai jab taqat ya daulat kay hasool ka ansar khatam Na kar diya jaay. Bohat ghaur karnay kay baad main is natijay per pohncha hoon kay taqat ya daulat kay hasool ka ansar sirf usi soorat main khatam karna mumkin hay jab aam log (Intizamia aur mashhoor siasi chayhroon ke allawa) jin main aik gharib kashtkar se lay kar baray sanat kar aur aik aam admi se lay kar dannishwar tak ko aik jaga jama kar kay in masayal per behas mubahisay kay baad masayal kay hal kay baray main muttafiqa faisalay na kiyay jaain. In Faisaloon kay baad aise dianat dar aur qabil logon ki talash ki jaay jo in Faisaloon per amal karnay ki slahhiyat rakhtay hoon. Is main is chizz ka khas khyal rakha jaay kay kisi ko taqat daynay se pehlay us ki dianat dari, qabliat aur baygharzy ko parakhnay ka aik mukammal tariqa maujood ho. Faisalay karnay ka tariqa kar Kisi bhi faisala karne se pehlay tayar kia jaay. Phir us tariqa kar per amal kar kay faisalay kiyay jaain aur Phir in Faisaloon per amal karnay kay liye logoon ko tayar kiya jaay.