Is tanzim ke panch bunyadi maqasid hain jin ko hasil karnay kay liye yeah tanzim banaai ja rahi hay.

          1. Pehla bunyadi maqsad Is tanzim ka Aiin (Qawaneen jin per amal kar kay               maqasid ko hasil kia ja-ay ga) banana hay.

          2. Doosra bunyadi maqsad aam logoon ko apney apney halqay main jama kar               key apas ki mushkilaat ko tamam sathoon per apni madad aap ke tehat hal               karnay ki kosish karna.

          3. Tisra bunyadi maqsad is mulk ko chalaney ke liye qabilay amal qawaneen               banana jin per tanzim kay tamam rukan muttaafiq hoon. Yani Pakistani Aiin               aur Intizamia (tamam hukumti mehkamoon) kay liye aise qawaneen tayar               karna Jin ke zariay Intazami amoor baghair aam admi ki haq talfi ke chal               sakain. Yani check and balance ka brabri ki bunyad per nizam tashkil dena.

          4. Choutha maqsad lahay amal kay baray main aam logon ko Bata kar un ki               hamayt hasil karna.

          5. Panchwan bunyadi maqsad qabil aur dianat dar leaders ki apney apney               halqay main talash karna ta kay wo elections kay zariay mulki masayal ko               khatam karnay ki koshish Karain.

In maqasid ko hasil karnay kay 5 marhalay:-

          1. Pehla marhala Aiin ko bananay kay liye aise logon ki talash karna jo kisi lalich               ki waja say nahin balkay apney masayal kay hal ki talash kay nazria kay               tehat baghair kisi muawazay kay Aiin ko bannay kay amal main shamil ho               sakain.

          2. Doosra marhala Aiin kay baray main logon ko Bata kar un ko is baat per               tayar karna kay wo apni madad aap karnay kay liyay jama hoon ta kay               chotay chotay masayal ka hal bahimi mashwaray say kiya ja sakay. Bohat               say masayal aise hain jin ko asani kay saath khud hi hal kiya ja sakta hai               masalan street ki safai kay liye agar street kay log apas main baat kar kay               sab gharroon main say aik aik admi ko shamil kar kay sab aik waqat main               safai kar saktay hain ya in logoon kay group bana kar mukhtalif auqat main               safai karwaii ja sakti hai.

          3. Tisra marhala Logoon ko targhib dena ka wo hukumti mehkamoon kay logoon               aur qawaneen ki waja say paida kiyay gaay problems ko organization ko               batain aur her shakhs apney khyal main un ka hal bhi paish karay ta kay               logoon kay mashwaray ko samnay rakhtay huay aise qawaneen tayar kiyay               jaain jin say kam karnay walay aur aam admi kay faraiz aur haqooq ko               braber kar diya jaay takay idaray apna kam baghair logon ko tang kiyay kar               sakain. Aam logon kay problems directly jan kar hi koi qabilay amal tariqa               banaya ja sakta hay.

          4. Choutha marhala in tamam maloomat ko tamam halqoon say jama karna aur               Phir un tamam mashwaroon ko samnay rakhtay huay aik qabilay amal lahay               amal bahimi mashwaray aur ittefaq say tayar karna hay.

          5. Akhri marhala us lahay amal ko aam logon ko Bata kar un ki hamayt hasil               karna ta kay elections kay zariay say us lahay amal ka nifaz kiya jaay.