Is tanzim kay bunyadi qawaneen Darj zail hain.

          1. kisi aur tanzim ya party ko is main shamil nahin kiya ja sakta.

          2. Yeh tanzim kisi aur party main shamil ya kisi party ka hissa nahin ban sakti.

          3. Is tanzim kay ticket se hasil karda kamiyabi kay baad Kisi aur party ya tanzim               main shamooliat per ta hayat bedakhal kar diya jaay ga.

          4. Yeh tanzim kisi aur tanzim kay saath hakoomat bananay kay liye assembly               main muhaida sirf us soorat main kar sakti hai jab shamil honay wali party               tanzim kay lahay amal per ittefaq karay.

          5. Mukammal lahay amal bannay se pehlay election main hissa nahin liya ja               sakta.

          6. Election main kamiyabi ki soorat main lahay amal ka nifaz yaqini banaya jaay               ga.

          7. Kisi aik shakhs kay nam ki bajaay yeh tanzim lahay amal kay projection per               inhisaar karay gi.

          8. Tamam qawaneen brabri ki bunyad per tashkil diay jaain gay.

          9. Meetings aur dastawizat kay liye Urdu zaban ka istimal kiya jaay ga ta kay               har rukan is ko samaj sakay.

         10. Is tanzim main tin kism kay mali funds hoon gay.         (a). Intazami funds.                (b). Siasi funds.              (c).  Apni madad funds.

         11. Intazami Funds: yeh funds tanzim ki Intazami zaroorat kay liye istimal hoon                gay.

         12. Siasi funds: yeh funds elections muham kay ikhrajat kay liye istimal hoon                gay.

         13. Apni madad funds: yeh funds apni madad app ke programmes per istimal                hoon gay.

         14. Koi bhi karkun tanzim kay mali hisabbat ko kisi bhi waqat checking fees day                kar dekh sakay ga.

         15. Aiini arkan baghair fees kay Mali maloomat dekh sakain gay.

         16. Tanzim ko Pakistan qawaneen kay mutabiq qaumi assembly kay halqoon kay                mutabiq taqsim kiya jaay ga aur her halqa aik hissa kay taur per kam karay                ga.

         17. Her halqa apney leader khud chunay ga aur her halqay kay member do sall                tak us leader ki qabliat aur kam karnay ki slahhiyat ko baghair us ko taqat                diay dekh sakain gay ta kay koi ghalat leader is platform kay zariay                assembly tak na ja sakay.

         18. Her member ko aik form apney uhday kay mutabiq dena ho ga jo us ka halfia                biyan tasawar ho ga.

         19. Form ki Kisi shiq kay ghalat sabit honay per us ki rukniat khatam kar di jaay                gi.

         20. Aik shakhs tamam Pakistan main say sirf aik waqat main aik halqay main say                hi member ban sakta hay.

         21. Her member apni mali maloomat ko ilzam lagnay say pehlay tabdil kar sakta                hay magar ilzam lagnay kay baad rukan us main tabdil ka majaz nahin ho ga.

         22. Kisi bhi member kay khilaf ilzam lagnay ki soorat main adalat main faisala ho                ga. Adalat kay do hisay hoon gay. Pehly adalat halqay ki adalat ho gi aur                agar halqay ki adalat main faisala na ho sakay to Aiini adalat main faisala                kiya jaay ga.

         23. Halqay ki adalat main us halqay kay tamam member Dono memboroon ki                baat sunnay kay baad apna faisala vote kay zariay Karain gay. Ilzam ko usi                soorat main sahih mana jaay ga agar ilzam lagnay walay kay haq main 26%                say kam vote Aain.

         24. Agar halqay ki adalat main uhdaydar kay khilaf vote 75% na hoon to us                soorat main Aiini adalat main faisala ho ga. Agar Aiini adalat main bhi 75%                say kam vote ilzam lagnay wale kay khilaf na Aain to us ilzam ko ghalat ilzam                tasawar kiya jaay ga.