AL-QURAN 18:102 Do the Unbelievers think that they can take My servants as protectors besides Me? Verily We have prepared Hell for the Unbelievers for (their) entertainment.
Shaksi Ijaara dari ka khatama hi sahi Nizam paida karnay ka sabab ban sakta hay
Making a person as Absolute Authority cannot lead to the creation of ever lasting system.
1. Tamam log jo is tanzim kay Aiin bannay wali meeting main us ke ikhtatam tak shamil rehnay aur meeting kay ikhtatam per Aiin ki tamam shiqoon per muttaafiq hone aur Aiin kay manzoor honay per half uthaain gay sirf wahi log "bani rukan" ka uhda hasil kar sakain gay.
2. Bani rukan ka uhda ta hayat ho ga.
3. Bani rukan ka uhda hasil karnay walay tamam bani rukunoon ko braber haqooq hasil hoon gay.
4. Aiini rukan kisi bhi waqat tanzim ki mali muamalat aur kisi bhi uhdaydar ki maloomat aur us kay kam ka record check kar sakay ga.
5. Tanzim main sadar ka uhda nahin ho ga balkay Tamam Aiini rukan mushtarka taur per sadar kay uhday main shamil hoon gay.
6. Lahay amal kay baaray main kisi ikhtilaf ki soorat main Aiini arkan voting kay zariay faisala Karain gay.
7. Aiin main kisi kism ki tarmim sirf bani rukan meeting main behas kay baad voting kay nataij per kar sakain gay.
8. Sirf 81% bani arakin kay nai tarmim ke haq main vote daynay per nai tarmim manzoor ho sakay gi. Tarmim kay haq main 81% say kam vote honay ki soorat main tarmim manzoor nahin ki ja sakay gi.
9. Tamam mazahib aur mazhabi firqay apni apni talimat main sahih tasawar kiyay jaain gay. Mazhabi talimat per ikhtilaf paida karnay Walloon ko tanzim ki rukniat se kahrij kar diya jaay ga.
10. Her member qawaneen pesh kar sakay ga aur un qawaneen per behas ke baad voting kay zariay us qanoon kay Aiin main shamil honey ka faisala kia jaay ga.
11. Sirf wo qanoon Aiin main shamil kiyay jaay ga jo 81% vote hasil kar sakay ga.
12. Her member qawaneen pesh kar sakay ga aur un qawaneen per behas ke baad voting kay zariay us qanoon kay Aiin main shamil honey ka faisala kia jaay ga.
13. Sirf wo qanoon Aiin main shamil kiyay jaay ga jo 81% vote hasil kar sakay ga.
14. Jin memboroon ko chand qawaneen se ikhtilaf ho ga un ko bhi voting ke baad un nataij ko manna ho ga warna wo bani rukan nahin ban sakain gay.
15. Bani rukan bantay waqat har aik ko Quran per half dena ho ga kay wo is Aiin ko har soorat main manay ga aur is per amal karay ga. (note: Tammam mazhib kay log apnay apnay mazhabbi tariqay per half day sakain gay.)
Aiin ki tashkil main shamil honay ka tariqa kar:-
Zial main di gai sharait sirf Aiin ki tashkil main shamil honay kay liay hain. Is fees ka aam membership say koi taalaq nahin hay aur yeh amal sirf aik dafa ho ga aur Fees bhi tab hi li jaay gi jab aisi meeting karni ho gi. Fees meeting main shamil honay kay waqat yani meeting walay din members ki amad per li jaay gi.
1. Aiin ki tashkil main shamooliat kay liye har bani rukan ko tanzim kay fund main aik hazar do so rupay fees dena ho gi.
2. Fees yakmusht ya 12 mahana iqsat main ada ki ja sakti hay. Jo log mahana iqsat ki shart per shamil hoon gay un per tamam iqsat dena lazmi ho ga warna bani rukan ki Aiin bananay ki meeting main shamil honay ke bawajood bani karkun ki rukniat khatam kar di jaay gi.
3. Meeting main shamil honey kay liye transport charges har member ko khud ada karnay hoon gay.
4. Meeting ki jaga ka intizam tanzim karay gi.
5. Meeting ke ikhtatam tak rehnay aur khanay ke ikhrajat tanzim kay zima hoon gay.
6. Rehnay ka intizam aur khana bilkul sada ho ga.
7. Meeting kay dinoon ka taayyun tamam memboroon ke mabain salah mashwaray per ya ikhtilaf ki soorat main voting kay result per ho ga.
8. Meeting 3 din tak jari rehay gi aur in tin dinoon main Aiin ko akhri shakal day di jaay gi.
9. Meeting rozana do nashistoon main ho gi. Pehly nisihist subh 8:00hrs se 13:00hrs tak. Doosri nisihist membran ki aanay ke baad bahimi razamandi se ho gi.